За трката
Coca-Cola Дедомразовска трка 2025 е новогодишна улична трка во Скопје, во која учесниците трчаат или пешачат облечени во дедомразовски костуми.
Настанот е наменет за сите возрасти – деца, млади и возрасни. Стартот и целта се на Плоштад Македонија, а патеката е околу 2 километри низ центарот на градот – идеална за семејно учество, прва трка или опуштено празнично трчање.
Темпото е пријателско, со многу насмевки и фотографии. Дозволено е трчање и одење – најважно е да бидете дел од празничната атмосфера.
Патека и програма
Се трча од Плоштад Македонија по кејот од страната на ГТЦ, преку мостот Слобода на булевар Филип Втори, па на спротивната страна на кејот од МНР кон Камениот Мост и назад до целта на плоштадот.
Програмата трае од 10:00 до 14:00 часот, со загревање, музика и новогодишна забава, трката во 12:00 часот, прогласување на најбрзите и празнична лотарија.
- 10:00 – 12:00 – Подигнување на стартни броеви и костуми
- 11:00 – 12:00 – Загревање и DJ програма
- 12:00 – 12:30 – Дедомразовска трка
- 13:00 – 13:15 – Награди за најбрзите
- 13:15 – 14:00 – Новогодишна лотарија
Цени и пријавување
Пријавувањето е отворено до 25 декември, но поради ограничен број костуми може да биде затворено и предвреме. Трчањето во дедомразовски костум е задолжително за сите учесници во трката.
Секое дете до 10 години (родени 2015 и помали) добива новогодишно пакетче доколку се пријави до недела, 21 декември 2025 год. (или порано доколку пријавувањето биде затворено заради пополнување на предвидениот број на учесници).
Индивидуални пакети
Учество со костум: 600 денари
Учество без костум: 300 денари (учествувате со сопствен дедомразовски костум)
Семејни пакети
Кога се пријавувате заедно како семејство, плаќате помалку од 600 денари по учесник.
-
Родител + дете:
👉 попуст –100 денари за секого -
Секое следно дете:
👉 дополнителни –100 денари за секое следно дете
Во табелата се прикажани неколку најчести комбинации:
| Комбинација | Уч. | Семеен пакет | Одделно | Заштеда |
|---|---|---|---|---|
| Родител + 1 дете | 2 | 1.000 ден. | 1.200 ден. | 200 ден. |
| Родител + 2 деца | 3 | 1.400 ден. | 1.800 ден. | 400 ден. |
| 2 родители + 2 деца | 4 | 1.900 ден. | 2.400 ден. | 500 ден. |
| 2 деца (без родител) | 3 | 900 ден. | 1.200 ден. | 300 ден. |
Наведените суми се пример. Точната цена за вашето семејство секогаш се прикажува во формата за пријавување пред да ја потврдите регистрацијата.
Пријави се (затворено)
Награди
🏅 Победници за 2025Најбрзи дедомразовци и бабамразици за 2025
- 1 место: златен медал и вредносен ваучер од 7.500 ден.
- 2 место: сребрен медал и вредносен ваучер од 6.000 ден.
- 3 место: бронзен медал и вредносен ваучер од 5.000 ден.
Најбрзи момчиња и девојчиња до 10 години за 2025
(родени 2015 и помали)
- 1 место: златен медал
- 2 место: сребрен медал
- 3 место: бронзен медал
Лотарија
🎄 Секој стартен број учествуваПо завршувањето на трката следи новогодишна лотарија со стартните броеви.
- Прво извлекуваме 10 бројчиња кои добиваат учество на Првдоврв Водно 2025 на 18 мај следната година. Наградата ќе ви ја доделиме преку меил адресата со која што се пријавивте.
- Потоа извлекуваме 3 бројчиња за ваучери во вредност од 3.000 ден. за Sport M, Adidas или InterSport.
- На крај извлекуваме едно бројче кое ќе добие електричен тротинет.
Наградата се доделува само доколку добитникот е присутен. Ако не е, извлекуваме повторно.
Правила за учество
- Во трката може да учествува секој без ограничување според возраст, а секое дете мора да биде придружувано од родител или старател.
- Секој учесник мора да биде облечен во дедомразовски костум.
- Секој учествува на сопствена одговорност според личната физичка подготвеност за натпревар во трчање.
- Организаторот го задржува правото да направи одредени измени во програмата и термините на настанот предизвикани од објективни фактори.
Пријави се за највеселата трка во годината
Обезбеди си место, дедомразовски костум и можност за новогодишни подароци. Пријавата трае до пополнување на капацитетот – пријави се на време, особено ако учествувате како семејство.